Wararka laga helayo Gobolka Jubbada Hoose ayaa sheegaya in maleeshiyo ka tirsan Alshabaab ay weerar culus ku qabsadeen xeradii ciidamada Kenya ee AMISOM ku lahaayeen Degaanka Kulbiyow, degmada Badhaadhe ee gobolka J/hoose.
Weerarka oo aroortii ku bilowday laba qarax oo ismiidaamin ah ayaa waxaa xigay dagaal socday ku dhowaad 2 saacadood oo qasaare balaaran dhaliyay.
Dadka degaanka ayaa xaqiijiyay in Alshabaab ay gebi ahaan la wareegeen xerada Kulbiyow oo ciidamada Kenya ay kula dagaalameen iyadoo xerada lagu laayay askar fara badan oo Kenyaan ah.
Alshabaab ayaa sheegtay inay dishay 57 askari, halka dadka degaanka ay arkeen meydadka 29 milateriga Kenya la tirsan.
Xaaladda ayaa kacsan iyadoo xerada Kulbiyow ay gubaneyso, waxayna Alshabaab dab qabadsiiyeen gawaarida ciidamada Kenya ee xerada yaalay iyaagoo kaxeysay qaar kale.
Goobjooge.com
