Farriin Cod ah oo uu soo diray Hoggaamiyaha Alqaacidada Gacanka Carbeed (AQAP), Qaasim Al-raymi ayaa sheegay in Hawlgalkii ay Komaandooska Maraykanka isbuucii hore ku soo qaadeen Koonfurta Yeman ay ku soo rideen 2 Helikopter, kuna dhaawaceen Tobaneeyo Askar Maraykan ah.
Wuxuu kaloo xusay in Weerarkaasi lagu dilay 14 nin, 11-haween iyo ilmo yar, mana sheegin inay ahaayeen Maleeshiyo iyo in kale.
Qaasim Al-raymi oo sannadkii 2015-kii noqday Hoggaamiyaha Alqaacida joogta Yeman waxa uu tilmaamay in Doqonka jooga Aqalka Cad uu la kulmay khasaaro xanuun badan bilowga safarkiisa Yemen, waa sida uu hadalka u dhigay.
Hawlgalka ay Maraykanka ku qaadeen Al-qaacida joogta Koonfurta Yemen ayaa ahaa kii ugu horreeyey ee uu Madaxweyne Donald Trump amray tan iyo markii uu la wareegay Talada dalkaasi.
©Radio Dalsan
