Afhayeenka Ilaaladda Xeebaha Libya, Jeneral Ayuub Qaasim ayaa sheegay inay 431 Tahriibayaal ku qabteen meel ka baxsan Xeebta Degmdda Sabartha oo 70-KM dhanka Galbeed kaga toosan Casimadda Libya ee Tripoli.
Waxa uu intaasi ku daray iny Tahriibayaashaasi la socdeen 4 dooni oo ku sii jeeday Xeebaha Talyaaniga.
Afhayeenka wax uu xusay inay Ciiddanka iyo Mukhalasiinta tahriibinayey dadkaasi is-dhafsadeen rasaas, ka hor intaysan Mukhalasiinta baxsanin.
Tan iyo bishii la soo dhaafay ee January 27-da waxay Ilaaladda Xeebaha Libya gacanta ku dhigeen 700 qof oo Tahriibayaal ah, kuwaasi oo la socday 3 dooni nooca laga farsameeyo Alwaaxa.
Jimcihii la soo dhaafay, Hoggaamiyayaasha Europe waxay Dowladda Libya u sheegeen inay sinayaan Kharaj iyo Taageeri kasta si loo xakameeyo Qaxootiga ka soo tahriiba Libya ee ku sii qulqulaya Xeebaha Europe.
Hay’addaha Samaafalka ayaa cambaareeyey Heshiiska EU-da iyo Libya, waxayna sheegeen inay taasi horseedi karo in Tahriibayaasha loo geysto Tacdi iyo Xarig.
©Radio Dalsan
