Wararka aan ka heleyno Magalada Baladweyne ee Xarunta gobolka Hiiraan ayaa waa ay sheegayaan in Xabsiga la dhigay Taliyihii Ciidanka Nabadsugida gobolka Hiiraan iyo ku xigeenkiisa.
Saraakiisha Ciidanka Nabadsugida gobolka Hiiraan ee la xiray ayaa waxaa lagu kala Magacaabaa Cabdi Maxamed Cali (Aweys) oo mar soo noqday taliyaha Nabadsugida gobolka Hiiraan iyo ku xigeenkiisii Cabduqaadir Muxumed abuubakar(Dhagaweyne)
Amarka lagu xiray ayaa la sheegay inuu bixiyay guddoomiyaha Cusub ee Gobolka Hiiraan Yuusuf Axmed Hagar(Dabageed)
In kastoo aan sidhab ah loo ogeyn sababaha ka dambeysa xariga taliyihii hore ee Nabadsugida Gobolka hiiraan iyo ku xigeenkiisa ayaa waxaa sidoo kale soo baxaya in la xiray qaar ka mid ah Shaqaalaha Wasaaradda Maaliyadda hir-Shabeelle.
Saraakiishaan Maanta la xiray ayaa 1-dii Bishii la soo dhaafay ee Setemper ayaa Wareegto ka soo baxday xafiiska Madaxweynaha Hir-Shabeelle xilka looga qaaday,iyada oo taliyaha Nabadsugida gobolka Hiiraan loo Magacaabay Colaad cabdullaahi Cismaan.
Hoos Ka Akhriso Wareegtadii hore ee xilka looga qaaday Saraakiisha Maanta la xiray.
