Inta badan Xisbiyada Siyaasadeed ee dalka ka jira ayaa si isku mid ah waxa ay ugu hambalyeeyeen xildhibaanada baarlamaanka maamulka Jubbaland oo maanta lagu dhaariyay magaalada Kismaayo kadib markii lagu dhawaaqay 73 ka mid ah golaha cusub ee baarlamaanka maamulkaas.
Qoraallo kala duwan oo ka soo kala baxay xisbiyada Himilo Qaran,Wadajir,Ilays,UPD ayaa looga hadlay arrimaha doorashooyinka iyo dhismaha baarlamaankii 2-aad oo uu yeesho maamulkaas.
Dhinaca kalana maamulka Puntland ayaa dhankiisa hambalyo u diray xildhibaanada,qoraal ka soo baxay Puntland ayaa lagu sheegay in ay baarlamaanka hor yaallo waajibaad culus.
Xalay ayaa guddiga doorashooyinka maamulka Jubbaland awaxa ay shaaciyeen xildhibaanada hase’ahaatee waxaa jira dhaliilo ka imaanayay qaar ka mid ah musharaxiinta u taagan xilka madaxweynaha maamulkaas taas oo sababtay in xildhibaano kale lagu dhawaqay in kasta oo maanta la dhaariyay xubnihii xalay ay ku dhawaaqeen guddiga doorashooyinka Jubbaland.
