Allaha u naxariistee Guddoomiyihii Gobolka Banaadir ahaana Duqii Muqdisho Cabdiraxmaan Cumar Cismaan Eng.Yariisow ayaa Maanta waxaa Aas heer qaran ah loogu sameeyn doonaa Qabuuro ku yaalla dugsiga tababarka Ciidamada Booliska General Kaahiye.
Salaada Janaasada Meydka Eng. Yariisow ayaa waxaa lagula tukaday Garoonka diyaaradaha Aadan Cadde Magaalada Muqdisho,isla markaana waxaa ka qeyb galay Madaxweynaha Jamhuuriyadda Federaalka Soomaaliya Maxamed Cabdullaahi Farmaajo,Ra’iisul Wasaare Kheyre,Guddoomiyeyaasha labada Aqal ee dalka iyo Mas’uuliyiin badan oo ka tirsan dowladda iyo boqolaal shacab ah.
Cabdiraxmaan Cumar Cismaan Eng.Yariisow ayaa u geeriyooday dhaawac kasoo gaaray qaraxii dhawaan ka dhacy Xarunta Maamulka Gobolka Banaadir.
Dugsiga tababarka Ciidamada Booliska General Kaahiye ee Magaalada Muqdisho ayaa waxaa haatan ku sugan Madaxda ugu Sarreysa dowladda Soomaaliya iyo boqolaal shacab ah,kuwaasi oo ka qeyb galaya Aaska Guddoomiyihii Gobolka Banaadir ahaana Duqii Muqdisho.
