Taliyaha Ciidanka xoogga dalka Sareeyo Gaas Daahir Aadan Cilmi Indha-Qarshe ayaa 9 Bishii December ee Sanadkii tegay 2018 ku dhawaaqay in Ciidamada xoogga ku amran yihiin inay toogaan Shaqsigii ay howlgal ku qabtaan ee ka tirsan Al-Shabaab.
Shir jaraa’id uu Maalintaas qabtay ayaa waxaa garabkiisa fadhiyay Wasiirka Gaashaandhigga Soomaaliya Xasan Cali Maxamed (Amar-dambe),waxaana uu taliyaha sheegay in aan loo dul qaadan karin in Maalin walba Shabaab dad dilaan hadana Xabsiyada ay ka buuxaan.
Maanta oo ku beegneyd 13 Bisha Janaayo Sanadka 2019 ayaa shir jaraa’id uu qabtay waxa uu ku sheegayin Ciidanka Xoogga Dalka Soomaaliyeed uu marnaba ku xad gudbi doonin Sharciga u dagsan dalka.
Taliyahe Indha-Qarshe ayaa tilmaamay in ragga ka tirsan Al-Shabaab ee lagu qabto dagaal ama howlgal ay horgeyn doonaan Sharciga.
Dad badan oo Maanta falan qeynayay Go’aanka uu Al-Shabaab ka qaatay taliyaha xoogga dalka ayaa aaminsan in taliyaha Go’aankaan uu ku qasbay in Ciidamada ay dileen dad Shacab ah oo aan waxba galabsan taasi ay ka qeylo dhaamiyeen hey’adaha Xaquuqda Aadanaha.
