Maanta ayaa la filayaa in Ra’iisul Wasaaraha Somaaliya Xasan Cali kheyre uu markii ugu horeysay Booqasho uu ku tago Saldhig Ciidamada dowladda Federaalka Somaaliya ay ku leeyihiin Gobolka Shabeellaha Hoose ee Garoonka Diyaaradaha Bali-Doogle.
Ra’iisul Wasaaraha ayaa inta ku sugan yahay Saldhiga Bali-Doogle waxa uu la kulmi doonaa Saraakiisha ciidamada dowladda ee halkaasi ku sugan isagoo kala hadli doona dagaalka ka dhanka ah Al-Shabaab oo la qorsheynayo in ciidamadaad ay dhawan bilaabaan.
Amaanka Wadada xiriirisa Muqdsho ilaa Saldhiga Bali-Doogle ayaa aad loo adkeeyay,waxana xusid mudan in labadii Maalmood ee la soo dhaafay in qeybo kamid ah Gobolka Shabeellaha Hoose uu ka dhacayay dagaal u dhaxeeyay Al-Shabaab iyo Ciidanka dowladda.
