Dhimashada qaar ka mid ah xujeyda Soomaalida ee Sanadkaan iyo dhaawaca tiro kale ayaa timid kadib isbuurasho shalay ka dhacday Magalada Mina
Xukeyda Soomaaliyeed ee geeriyotay ayaa waxaa Magacyadooda lagu kala sheegay Xaaji Axmed Saalax iyo Xaaji Xasan Maxamed jimcaale,waxayna ku sugnaayeen Magalada Mina oo 5km u jirta Magalada Barakeysan ee Maka iyo Banka Carrafo.
Saraakiil ka tirsan laamaha Amniga Sacuudiga ayaa waxa ay sheegeen in meydadka labadaasi ruux ay kusii jiri doonaan firinjeerada meydadka lagu keydiyo ilaa iyo inta uu ka dhamaanayo Gudashada Waajibaadka Xajka.
Sanad kasta ayaa waxaa jirta in ay dad ku dhintaan isbuurasho ka dhacda Xajka,waxaana dadkaasi ka mid noqda Soomaali ka mid ah dadka xajinaya.