Magaalada Boosaaso ee Xarunta Gobolka Bari ayaa Maanta oo sabti ah waxaa ka dhacday doorashada lix iyo kursi oo kamid ah kuraasta Golaha Shacabka Baarlamaanka 11-aad ee dowladda, kuwaasi oo deegaan doorashadoodu tahay Maamulka Puntland.
Doorashada oo ka dhacday teendho ku dhex taalla Garoonka diyaaradaha Boosaaso ayaa waxaa goobjoog ka ahaa wafdi ka socday Guddiga Xallinta Khilaafaadka iyo kuwa Guddiga doorashada dowlad Goboleedka Puntland.
1-Kursiga ee #GSH157 ayaa waxaa ku guuleystay Maxamuud Axmed Aadan Geesood, kurisga 2-aad #GSH227 ayaa waxaa kusoo baxay Cabdicasiis Maxamed Maxamuud Qambi.
3- Kursiga #GSh273 ayaa waxaa ku guuleystay Taliyihii hore ee Ciidanka Booliska dowladda Jeneraal Bashiir Cabdi Maxamed Maxamuud Bashiir Ameeriko, kadib markii ay u tanaasushay Sahro Maxamed Maxamud Cali oo la tartami laheyd.
4-Kursiga #GSh234 ayaa waxaa Cod gacan taag ah ugu guuleystay Marwo Cabdi Bashiir Xaaji Cali, kadib markii ay u tanaasushay Aamina Cabdiwali Maxamed oo tartanka doorashada la geli laheyd Marwo Cabdi Bashiir Xaaji.
5-Kursiga #GSh076 ayaawaxaa Cod gacan taag ah ku guulaystay Muuse Axmed Ismaciil oo helay dhamaan 101 Codadka Ergada , kadib markii ay u tanaasushay Faaduma Ibraahim Ismaaciil.
6-Kursiga #GSH169 ayaa waxaa ku tartamay Musharaxiinta kala ah Cali Mahdi Maxamed Cali iyo Xafsa Cali Axmed, waxaana doorashada kursigan ku guulaystay Cali Mahdi Maxamed oo helay 97 Cod oo ahayd Ergada fadhiday.
7-Kursiga #GSH083 ayaa waxaa ku tartamay Maxamed Bashiir Cali iyo Aamino Maxamed Ciise , waxaana ku guulaystay Maxamed Bashiir Cali, kadib markii tartanka ay isaga hartay Aamino Maxamed Ciise.
8-Kursiga #GSH220 ayaa waxaa ku tartamay Musharaxiinta kala ah Cali Xaaji daahir Saleebaan iyo Axmed Burhaan Cumar, 101 Ergo ayaa dhamaan Codka kalsoonida siiyay Cali Xaaji daahir, ka dib markii uu ka haray Tartanka murrashax Axmed Burhaan.
9-Kursiga #GSH149 ayaa waxaa ku tartamay Faysal Axmed Maxamud iyo Faa’isa C/xakiin Maxamed, waxaana kusoo baxay Faysal Axmed Maxamuud oo Cod gacan taag loogu coddeeyay
Faysal Axmed Maxamuud ayaa helay Codadka dhamaan 101 Ergo ka dib markii ay Tartanka isaga hartay Faaisa Cabdixakiin.
10-Kursiga #GSH158 ayaa waxaa ku tartamay Saddaam Maxamuud Cabdi iyo Muno Maxamuud Dalmar, Ergada fadhiday oo ahayd 100 Ergo ayaa Codka kalsoonida siiyay musharax Saddaam Maxamuud Cabdi, ka dib markii ay ka hartay Tartanka Muno Maxamuud Dalmar.
11-Kursiga #GSH027 ayaa waxaa ku tartamay Siciid Cali Muuse iyo Cabdiqaadir Jaamac Cabdi, Ergada ayaa dhamayd 98 qof waxaana dhamaantood ay u Codeeyeen Musharax Siciid Cali Muse ka dib markii uu Tartanka isaga haray Cabdiqaadir Jaamac Cabdi oo la tartamay.
12-Doorashada Kursiga #GSH036 ayaa waxaa ku tartamay Musharaxiinta kala ah Maxamed Aadan diini iyo Faaiso Jaamac Muuse Ismaaciil, kursigaan waxaa ku guulaystay Maxamed Aadan Diini oo helay Codadka 99 Ergadii fadhiday.
13-Kursiga #GSH222 waxaa ku tartamay Caynaanshe Yusuf Xuseen iyo Roodo Yaasiin Yusuf, 100 Ergo oo ahayd Ergada fadhiday doorashada Kursigaan ayaa 99 qof ay u Codeeyeen Caynaanshe Yusuf Xuseen ka dib markii ay Tartanka ay isaga hartay Roodo Yaasiin Yusuf.
14-Doorashada Kursiga #GSH228 waxaa ku tartamay Cabdilaahi Faarax Mire iyo Xamdi Cabdilaahi Maxamed, 95 Ergay oo ahayd Ergada fadhiday ayaa 94 Ergay ay u Codeeyeen Musharax Cabdilaahi Faarax Mire ,halka 1 Ergay uu ka Aamusay ka dib markii ay Tartanka ka hartay musharax Xamdi Cabdilaahi Maxamed
15-Kursiga #GSH142 doorashadiisa waxaa ku tartamay Ismaaciil Shire Jaamac iyo Siciid Maxamuud Maxamed, Ergada doorashada Kursigaan oo ahayd 84 Ergo ayaa dhamaantood ay Codka siiyeen Musharax Ismaaciil Shire Jaamac ka dib markii uu Tartanka ka haray Musharax Siciid Maxamuud Maxamed.
16-Kursiga #GSH190 ayaa waxaa ku tartamay Musharaxiinta kala ah Maxamed Cabdiqaadir Maxamed iyo Fatxi Cali Saalax, 95 Ergo oo fadhiday Hoolka ayaa dhamaantood Codka kalsoonida ay siiyeen oo u codeyeen Musharax Maxamed Cabdiqaadir ka dib markii Tartanka ay ka hartay Fatxi Cali Saalax.
