War-saxaafadeed ka soo baxay Wasaaradda waxbarashada Hiddaha & Tacliinta sare Xukuumadda Federaalka Soomaaliya ayaa waxaa Digniin loogu diray dadka baraha bulshada ku faafiyaan imtixaanada been abuurka ah ee aan jirin.
Sidoo kale Wasaaradda ayaa sheegtay in ciddii lagu arkayo iyadoo faafineysa imtixaan been abuur ah sharciga tiigsan doonto.
War-saxaafadeedka ka soo baxay  Wasaaradda waxbarashada Hiddaha & Tacliinta sare ayaa u qornaa sidan:-
Wasaaradda waxbarashada Hiddaha & Tacliinta sare waxay digniin u direysaa dadka caadeystay in ay ku faafiyaan baraha bulshada,imtixaanada been abuurka ah oo aan sal iyo raad toona laheyn islamarkaana lagu marin habaabinayo carruurta Soomaaliyeed .
Haddaba annagoo ka duuleyna arrintaasi ayaan waxaan idinku wargelinayaa in shaqsigii lagu qabto isagoo faafinaya imtixaan been abuur ah in wasaaraddu la tiigsan doonto sharciga .
Waxaan ka codsaneynaa dhammaan ardayda u fadhiisanaysa imtixaanka qaranka in ay diirrada saaraan wax aqriska islamarkaana ay ku kalsoonaadaan naftooda.
Waxaan idin rajeynaynaa natiijo wacan waxaa tihiin mustaqbalka dalka iyo dadka Soomaaliyeed
