8 qof oo 3 ka mid ah Askar ahaayeen ayaa shalay ku geriyootay 2 shil gaadiid oo ka dhacay Jidka weyn ee isku xira magaallooyinka Nairobi iyo Mombasa.
Mid ka mid ah Askartaasi oo la safrayey saaxiibadiisa ku sii jeeday Mombasa ayaa geeriyooday, kadib, markii gaari Xamuulka ee ay ku safrayeen uu ku qalibmay meel ku dhow Suuqa Salaama, halka ay 2-da kalena ay u geeriyoodeen dhaawacyo ka soo gaaray shilkaasi.
Taliyaha Boliska ee Deegaanka Mukaa, Charles Muthui waxa uu sheegay inay 9 Askari ku dhaawacmeen shilkaasi, halka Askari kalena ka badbaaday shilkaasi.
Shilka kale ayaa la sheegay inay 5 qof oo rayid ah ku geeriyoodeen, kadib, markii ay labo gaari isku herdiyeen meel ku dhow Degmadda Matito Andey.
Isbuucii hore, ugu yaraan 14 qof ayaa ku gubtay shil gaari, kadib, markii ay isku dhaceen Gaari Booyadle waday Bansiin iyo Gaari bas oo ay dad rakaab ah la socdeen.
