Xukun dil toogasho ah oo lagu riday Sarkaal fududeeyay Qaraxyo ka dhacay Muqdisho

Maxkamadda ciidamada qalabka sida ee Soomaaliya ayaa maanta dil toogasho ah ku xukuntay Dhamme Shariif Maxamed Barkhadle Ayaanle oo lagu helay inuu gudbi jiray oo bartilmaameedkooda gaarsii jiray qaraxyadii ay Muqdisho ka fuli jirtay Al-Shabaab.

Ninkaan oo illaa dowladdii KMG aheyd ee Madaxweyne Cabdiqaasin ka soo tirsanaa ciidanka xoogga dalka ayaa fududeeyey in la qarxiyo goobo ay ka mid ahaayeen, Village Hotel and Restaurant, Baar Italia, agagaarka Mall-ka Xamar-weyne, Maqaayadda Cagaweyne Ex Bilsan Restaurant, Agagaarka Aargada Xeebta Liido.

Ugu yaraan 27 qof oo isugu jiro qaybaha bulshada ayaa ku geeriyooday qaraxyadii uu fududeeyey sarkaalkaan, waxaa sidoo kale ku dhaawacmay tiro intaas ka badan.

Eedaha kale ee loo haystay waxaa kamid ah iibinta laba Hoobiye oo 60-ah iyo 40-xabo oo ah Rasaastiisa.

19-kii November 2022 ayuu ninkaan soo galay gacanta heyâ€™adda Nabad-Sugidda iyo Sirdoonka Qaranka, guddoomiyaha Maxkamadda Darajada 1-aad ee Ciidamada Qalabka Sida Gaashaanle Sare Xasan Cali Nuur Shuute ayaa maanta warbaahinta la wadaagay in Dhamme Shariif Maxamed Barkhadle Ayaanle ay Maxkamadu ku xukuntay dil toogasho ah.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.