Xiriirka Kubada Cagta yurub oo dalbaday in dib loo dhigo doorashada Fifa

UEFA ayaa ku baaqay in doorashada madaxtinimada  Xiriirka kubada Cagta aduunka ee  FIFA oo la filayo in ay dhacdo jimcaha biriya  dib loo dhigo kadib  fadeexadii  musuq-maasuq ee hareysay Maamulayaasha Kubada  cagta caalamka .

Toddoba saraakiil oo ka tirsan FiFa ayaa lagu qabtay Zurich aroortii hore  Arbacadii kuwaas oo ay la baxeyn Ciiddanka Khaaska ee dalka Switzerland  waxaana wax laga weydiinaya lacago farabadan ee la musuq maasuqay .

taas oo qeyb ka ah lacago laga helay  qoondaynta koobka aduunka ee sanadka  2018 lagu qaban doono wadankaRussia  iyo kan  2022 ka dhici doono wadanka  Qatar.

Madaxweynaha haatan talada haaya ee Sepp Blatter ayaa tartan adag kala kulmaya boqor Prince Ali Bin al-Hussein oo fursad siin karta fadeexada  musuqa ee lagu soo ogay Fifa .

FIFA ayaa xaqiijiyay  in Maalinta jimcaha ay dhici doonto doorashada madaxweynaha kubada cagta dunida  laakiin hadda UEFA ayaa isha ku heysa inay joojiso dacwadda ay sabab u tahay muranadii  ugu dambeeyay.

“Xubnaha Guddiga Fulinta UEFA waxaa lagu qanciyay in ay jirto baahi weyn oo isbedel ah in hogaanka sare ee FIFA  Congress FIFA waa in dib loo dhigo lixda bilood ee soo socda gudahood, “ayaa qoraal rasmi ah ee ka soo baxay UEfa lagu yiri .

Arintan ayaa imaneysa xili FiFa ay wali ku adkeysaneyso in ay dhacdo Doorashada maalinta jimcada ah sida uu shalay saxaafada u sheegay afhayeenka Xiriirka kubada cagta Aduunka .

 

About Dalsan Editor

View all posts by Dalsan Editor