Wasiir Fiqi oo Galmudug kala hadlay gulufka cusub ee lagula dagaalamayo Al-shabaab

Wasiir Fiqi oo Galmudug kala hadlay gulufka cusub ee lagula dagaalamayo Al-shabaab

Wasiirka arrimaha gudaha, Federaalka iyo dib u heshiisiinta Xukuumadda Federaalka ah ee Soomaaliya Ahmed Moallim Fiqi ayaa xafiiskiisa ku qaabilay Wasiirka arrimaha gudaha ee dowlad goboleedka Soomaaliyeed ee Galmudug Cabdi Maxamed Jaamac (Cabdi-Waayeel).

Kulanka Wasiirka waxaa ku wehliyay Wasiir kuxigeenka Wasaaradda mudane Amb Cabdixakim Ashkir, Agaasimaha waaxda Federaalka ee wasaaradda, Agaasimaha waaxda Dowladaha hoose ee wasaaradda iyo Lataliyaal.

Labada mas’uul ayaa ka wada hadlay qodobbo badan oo ay ka mid yihiin xoojinta wadashaqeynta iyo xiriirka labada wasaaradood, qorshaha wasaaradda arrimaha gudaha federaalka ee ku aadan federaaleynta iyo baahinta maamullada iyo dib u heshiisiinta.

Arrimaha kale ee kulanka lagu soo qaaday waxaa ka mid ah gulufka cusub ee la dagaalanka argigixisada Alshabaab ee xorreynta deegaannada Galmudug iyo sida ay tahay in ay dowladda dhexe iyo hey’adaha deeqaha bixiyaba ay uga jawaabaan abaarta iyo dhibaatooyinka kale ee heysta dadka iyo degaannada Galmudug.

Deegaano dhowr ah kana tirsan dowlad Goboleedka Galmudug ayaa waxaa ka socda howlgalo ka dhan Al-shabaab oo ay wadaan Ciidanka dowladda Federaalka, kuwa Maamulka iyo dadka deegaanka oo is abaabulay.

About Dalsan Editor

View all posts by Dalsan Editor