Barqanimadii Maanta ayaa waxaa Haween ka mid ah kuwa Nadaafada gobolka Banaadir gaar ahaan degmada Cabdul Casiis xili ay ku jireen howshooda Shaqo waxaa lagu buufiyey waxyaabo loo maleynayo in ay sunyihiin.
Haweenka ayaa intooda badan waxa ay noqdeen kuwo suuxay,oo uu miirkii ka tegay halka kuwo kale jirkoodii uu isbedelay,kuwaas oo tiro ahaan lagu sheegay ilaa 14 haween ah.
Haweenkaas maanta dhibaatada la kulmay ayaa waxaa ka mid ahaa gabar Magaceeda lagu sheegay faa’izo Jiinow Cabdulle,taas oo ilaa iyo hadda la suuxsan dhibaatadii ka soo gaartay Suntii lagu buufiyay.
Madiino Cumar Maxamuud waa hooyada dhashay Faa’izo waxa ay sheegtay in Gabadheeda iyo Haween kale Gaari NOHA uu u yimid kadibna uu ku buufiyay waxayabo loo maleynayo Sun,intaasi kadibna uu gaarigii u cararay dhanka Isbitaalka Keysaneey.
Waxa ay sheegtay in Gabadheeda la geeyay mid ka mid ah Isbitaalada Muqdisho si loogu daweeyo,kadib markii uu jirkeeda qeyb ka mid ah bararay,isla markaana sidoo kale ay aragtay haween kale oo iyana dhibaatadaas ay gaartay,kuwaas oo qaarkood la daweynayo.
Hooyo Madiina oo Wareysi siineysay Radio Dalsan ayaa waxa ay sheegtay in Gabdheeda xaaladeeda ay xoogaa soo hagaageyso balse weli hadalka uu dhibayo sidoo kalena dadka aysan kala aqoon.
Hoos Ka Dhageyso Wareysiga Hooyo Cumar Maxamuud oo dhameystiran.
