Faahfaahin dheeraad ah ayaa laga helayaa Qarax is-midaamin ah iyo weerat toos ah oo lagu qaaday Hotelka Ex- Cas-Casey ee bartamaha Kismaayo, iyadoo dabley hubeysan ay gudaha u galeen hotelka.
Weerarkan ayaa ku bilowday gaari walxaha qarxa laga soo buuxiyay oo lagu dhuftay albaabka hore ee hotelka, waxaana xigay rag hubeysan oo gudaha u galay hotelkaasi oo amnigiisa aad loo ilaaliyo, ayna degan yihiin qaar ka mid ah murashaxiinta Jubbaland iyo Qurbejoog.
Ciidamada amniga Jubbaland ayaa la dagaalamaya dableyda weerarka ku qaaday Hotela, waxaana lasoo weriyey qasaare kala duwan, iyadoo rasaas xoogan iyo bambooyinka gacanta laga tuuro laga maqlayo hotelka.
Waxaa la xaqiijiyey inuu weerarka ku dhintay weriye Maxamed Cumar Sahal [Gacmo Dheere] oo u shaqeyn jiray TV-ga SBC iyo Radio Ergo. Alshabaab ayaa sheegatay weerarka lagu qaaday hotelka Cas-casey magaalada Kismaayo.
