Shirka dib u heshiisiinta Galmudug ayaa lagu wadaa in 17-ka bishaan uu ka furmayo magaalada Dhuusa-mareeb waxaana kusii qul-qulaya ergooyin kala duwan oo lagu casuumay.
Labadii maalin ee la soo dhaafay waxaa magaalada Dhuusa-mareeb ee xarunta baarlamaanka Galmudug gaaray qaar ka mid ah ergadii lagu casuumay shirka oo ka kooban Odayaal dhaqan xubno ka tirsan dowladda iyo masuuliyiin ka socda maamulka Galmudug.
Amaanka magaalada Dhusa-mareeb ayaa aad loo adkeeyay waxaana ciidamada la faray in ay xaqiijiyaan amniga magaalada iyo kan ergada kala duwan ee shirka dib u heshiisiinta ee Galmudug.
Shalay ayay aheyd markii madaxda xukuumadda Galmudug uu kulan gaar ah la qaatay saraakiisha ciidanka loo xil saaray amaanka Dhuusa-mareeb isla markaana uu kala hadlay xaqiijinta amniga.
