Warar dheeraad ah ayaa kaso baxaya khasaaraha ka dhashay dagaal culus oo ciidamada dowladda iyo Alshabaab saakay ku dhexmaray deegaank ku yaalla duleedka magaalada Beledweyne ee gobolka Hiiraan.
Dagaalka ayaa imid kadib markii ciidamada dowladda fedaalku ay weerar ku qaadeen saldhig Alshabaab ay ku leeyihiin deegaanka biitaale ee duleedka magaalada Beledweyne waxaana la isku adeegsaday hubka noocyadiisa kala duwan.
Dadka deegaanka oo la hadlay dalsan ayaa sheegay in ay maqlayeen dhawaqa rasaas culus oo ay isku adeegsanayeen dhinacyada ku dagaalamayay deegaanka Biitaale ee gobolka Hiiraan,iyada oo saraakiisha dowladdu ay ka hadlen dagaalkaas.
Saraakiil ka tirsan ciidamada Milatariga oo la hadlay warbaahinta dowladda ayaa sheegay in ay weerar qorsheysan ku qaadeen deegaanka islamarkaana ay dileen 8-xubnood oo ka tirsan Alshabaab hubna ay ka furteen sida uu hadalka u dhigay.
