Wakiilkii hore ee QM ee Somalia oo geeriyooday

Wasiirka dastuurka iyo arrimaha sharciga dalka Tanzania Augustine Mahiga ayaa saaka ku geeriyooday magaalada caasimadda ah ee Dodoma.

Mahiga wuxuu ahaa wakiilkii hore ee gaarka ah ee Xoghayaha Guud ee Qaramada Midoobay ee qaabilsanaa Soomaaliya, wuxuu sidoo kale ahaa ergeygii joogtada ee Qaramada Midoobey ee Tanzania.

Madaxweynaha Tanzania John Magufuli wuxuu sheegay in Mahiga uu ku xanuunsaday gurigiisa isla markaana uu geeriyooday markii la geeyay isbitaal maxalli ah.