Rag dhac u geystay Gaari iyo dadkii la socday oo la qabtay

Ciidanka amniga Gobolka karkaar ee Puntland iyo kuwa Madaxtooyadda Magaalada Qordho ayaa howlgal qorsheysan kusoo qabtay rag hubeysan oo dhac u geystay gaari nooca xamuulka qaado ah iyo dadkii la socday.

Ciidanka amniga ayaa howlgalka ka sameeyay deegaano ka tirsan Gobolka Karkaar ee Puntland, iyagoo markii dambe gacanta kusoo dhigay saddex kamid ah rag burcad ahaa oo dhacay gaariga xamuulka ah iyo dad shacab ah oo la socday.

Taliyaha Madaxtooyada Magaalada Qardho Cabdi fitaax Warsame Hiirad oo warbaahinta la hadlay ayaa faah faahin ka bixiyay howlgalka lagu soo qabtay ragga Burcada ahaa.

Waxaa uu sheegay Taliye Cabdi fitaax Warsame in saddexda ruux ay soo qabteen iyaga oo aan la gaarsiin wax Khasaaro ah, kuwaasi oo uu sheegay in la xiray, sidoo kalena sharciga la horgeyn doono.

Sawirro laga soo qaaday gaariga la dhacay laguna faafiyay baraha Bulshada ayaa muujinayay in gaariga uu siday qalab kala duwan, isla markaana Jidka ay u galeen rag hubeysan, hayeeshee gacanta lagu dhigay.