Qarax khasaaro gaystay oo ka dhacay Magaalada Boosaaso

Warar dheeraad ah ayaa kasoo baxaya Qarax khasaaro dhaliyay oo Caawa ka dhacay Magaalada Boosaaso ee xarunta Gobolka bari.

Wararka aynu heleyno ayaa sheegaya in Caawa Bomgacmeed lagu tuuray Koontrool Ciidan oo ku yaalla Boosaaso, waxaana ka dhashay khasaaro sida wararku sheegayaan.

Bomka lagu tuuray koontroolka ayaa waxaa la sheegay in hal qof uu ku dhaawacmay, waxaana wararku intaas ku darayaan in ay macquul tahay in khasaaruhu uu intaa ka badan yahay.

Goobta Qaraxu ka dhacay waxaa gaaray ciidanka ammaanka, kuwaasi oo sameeyay howgallo ay ku baadi goobayaan dadkii ka dambeeyay falkaasi, balse lama shaacin ilaa hadda cidda sida rasmiga ah uga dambeysay Qaraxaasi.