Dowladda oo Gargaar Caafimaad kale gaarsiisay Galmudug

Wasaaradda Caafimaadka iyo Daryeelka Bulshada dowlad Goboleedka Galmudug ayaa la wareegtay Agab Caafimaad (COVID19) oo ka yimid Wasaaradda Caafimaadka iyo Daryeelka Bulshada Soomaaliyeed iyo Xafiiska Raiisul Wasaaraha Dalka.

Wasiir Kuxigeenka Wasaaradda Caafimaadka Iyo Daryeelka Bulshada Galmudug Dr.Mahad Caabi Ciise ayaa gudoomay agabka Caafimaad una mahadceliyey Dowladda Federaalka ah Xafiisyadeeda kala duwan ee ka jawaabay baahidaan Caafimaad..

Munaasabadda Waxaa goobjoog ahaa Agaasimaha Guud ee Wasaaradda Caafimaadka Galmudug Dr.Cabdiwali , Gudoomiyaha Degmada Guriel Faarax Cabdi Macalin,Iyo Madaxa Sheybaarka Dhexe ee Qaranka Sahro Ciise Maxamed.

Dowladda Federaalka ayaa Magaalooyinka waaweyn ee Galmudug horey u geeysay qalab looga hortego faafida Cudurka Coronavirus oo kiisas farabadan laga halkaas, iyadoo dad ku sugan Galmudug ay Cudurka u geeriyoodeen.