Ugu yaraan 14 qof oo ku geeriyootay shil Diyaardeed oo  ka dhacay Turkiga.

Diyaaradaasi oo ay la socdeen Sarkaal sare oo ka tirsan Boliska iyo Saraakiil dhinaca Garsoorka waxay Waaberigii hore ee sakayto ku burburtayGoblk Tunceli ee  K/bari ee dalkaasi.

Ilo dhinaca Ammaanka ayaa sheegay in rakaabkii la socday Diyaaraddaasi ay ka mid ahaayeen 2 Garsoore iyo 7 Saraakiil Bolis iyo Shaqaalihii Diyaaradaasi.

Warbaahinta Maxaliga ee dalkaasi ayaa sheegay inay 8 Saraakiil Bolis ku geeriyoodeen Shilkaasi oo ka dhacay inta u dhexeysa Degmooyinka Pulumur iyo Ovacik.

Guddi Baarayaal ayaa loo diray halka ay Diyaaradda Helikopterka ku burburtay, si ay u soo ogaadaan waxa sababay shilkaasi.

Warbaahinta Gudaha ayaa sheegay inuu roob culus oo ceeryaamo leh da’ayey, markii ay Diyaaraddu burburtay.

©Radio Dalsan