Tahriibayaal ay Somali ku jiraan oo lagu qabtay Masar

Ciiddanka Ilaaaladda Xuduudaha ee dalka Masar ayaa sheegay inay 23 Tahriibayaal ay ku jireen Soomaali ku qabteen Degaanka Alfanaar ee duleedka Degmadda Kafaara Sheekh oee kaabiga ku haysa Badda Mediterraneanka, xilli ay doonayeen inay u shiraacdaan Xeebaha Talyaaniga.

Qaar ka mid ah Warbaahinta dalka Masar ayaa sheegay in Tahriibayaasha la qabtay ay ku jireen 9 haween oo u dhashay dalka Syria.

Tahriibayaasha waxay Boliska u sheegeen inuu mid kasta Mukhasiinta siiyey 3,000 oo Dollar si loogu tahriibiyo xeebaha dalka Talyaaniga.

Ma aha markii ugu horreysay oo ay Ciiddanka Masar qabtaan Soomaali Tahriibayaal ah oo doonaysa inay u tahriibaan Xeebaha Talyaaniga.

Dhinaca kale, Maxkamad ku taalla Jesiiradda Sishilya waxay xabsi 18 sanno ah ku riday Nin u dhashay dalka Tunisia, kaasi oo lagu helay inuu ku lug lahaa geeridii 366 Tahriibayaal Eritrean ah, kuwaasi oo ku geeriyooday Markab ku degay Badda Mediterraneanka sannadkii 2013-kii.

© Radio Dalsan