Qaxooti Soomaali ah oo lagu xiray Jasiiradda Malta

Warbaahinta dalkaasi ayaa baahisay inay Boliska qabteen 2 nin oo u dhalatay dalka Somalia, kuwaasi oo lagu eedeynayo inay nin u dhashay Eritrea ku dhaawaceen duleedka Xarunta Furan ee lagu hayo Qaxootiga ee Marsa Open Center.

Ninka Eritrean oo 37-jir ah waxay dhaawacyo ka soo gaareen Madaxa, waxaana loola cararay Isbitaalka.

Boliska ayaa sheegay in saqdii dhexe ee xalay lagu soo wargeliyey dhacdadaasi, mana kala sababaha ay raggaasi u dagaalameen.

Dhinaca kale, Goobjoogayaal la hadlay Warbaahinta Malta ayaa sheegay inuu muran dhex maray dhinacyadaasi, ka hor inta uusan dhex marin gacan-ka-hadalka lagu dhaawacay Qaxootiga u dhashay Eritrea..