Muhaajiriin Afrikan ah oo laga badbaadiyay badda mediterraneanka 

Dowladda dalka Spain ayaa sheegtay in ciidamadeeda oo kamid ah howlgalka Midowga Yurub ee ilaalada biyaha caalamiga ah, ay bad baadiyeen ilaa 600 qof oo muhaajiriiin ah Afrikaan ah, kuwaasi oo u tahriibayay Qaaradda Yurub.

Ciidamada  badda ee dalkaasi Spain oo watey 15 maraakiib iyo dooman,iyo diyaarado, ayaa ku guuleystay in ay bad baadiyaan dadkaasi oo ka soo safray Qaaradda Afrika, kuwaasi oo soo marey wadanka Maroco oo deris dhow la ah wadanka Spain.

35 kamid ah dadka la bad baadiyay ayaa ahaa caruur aad u yer yer,waxaana la rumeysan yahay in badda ay ku hafteen ama ay ku dhinteen ilaa 120 qof oo kale.

QM ayaa sheegtay in  muhaajiriin gaaraya 9,000 oo qof ay gaareen dalka Spain sanadkan gudihiisa.

Hay’adda caalamiga ah ee socdaalka adduunka IMO ayaa sheegtay in 100,000 qof oo tahriibayaal ah ay ka soo gudbeen dalka Liibiya, kuwaasi oo gaaray wadanka Talyaaniga, tan iyo bilowgii sanadkan.

IMO ayaa intaasi ku dartay in dad gaaraya 2,242 muhaajiriin ah ay ku dhinteen intii lagu guda jirey howlaha tahriibka ilaa horaantii sanadkan, ayadoo bishii June 5,000 oo qof laga soo bad baadiyay badda Mediterraneanka ee isku xirta Qaaradaha Afrika iyo Yurub.

Sonna.so