Markab dagaal oo badbaadiyey doon ku go’doontay Xeebaha Soomaaliya

Markab dagaal oo laga leeyahay dalka Pakistan ayaa u gurmaday Qoyskaasi oo ay doonidooda shidaalka kaga go’ay meel 180 miles ka baxsan Xeebaha Somalia.

Markabka Dagaalka Pakistan ee PNS ALAMGIR ayaa la sheegay inuu hawlgal gurmad ah u fidiyey Qoyskaasi oo ay ku jireen Haween iyo Carruur, waxaana la siiyey Biyo Nadiif, Cuntada Nafaqaysan iyo Shidaal.

Qoyskaasi ayaa la sheegay inay horey u sii wateen Safarkooda ay doonayeen inay ku soo maraan dalalka Caalamka.

Toddobaadkii la soo dhaafay. Ciiddanka Badda ee Pakistan waxay taageero daaweyn ah u fidiyeen 12 Kalluumeysato Hindi ah, oo uu matoorka doonida kaga xumaaday badda gudaheeda.