Koox ka tirsan Odayaasha Dhaqanka ee Mandhera oo ku gacan sayray in la bedelo Guddoomiyaha Mandheera

Wargeyska The Daily Nation ee ka soo baxa magaalladda Nairobi ee dalka Kenya ayaa maanta qoray inay Koox ka tirsan Odayaasha Beelaha Soomaalida Kenya ka soo horjeesteen Hoggaamiyayaasha ku baaqay in xilka laga qaado Taliyaha Ciiddanka Gobalka Mandhera, Alex ole Nkoyo oo lagu eedeeyey inuu wax ka qaban waayey falalka ammaan-xumida ka jirta W/bari Kenya.

In ka badan 20-Odayaal Dhaqameed ka soo jeeda Shan Beelood oo ka mid ah Beelaha ugu waa weyn Qabaa’illadda Soomaalida Kenya ayaa sheegay inay ka soo horjeedaan Baaqa xilka looga qaadayo Taliyaha Boliska ee Gobalka Mandhera.

Waxayna xuseen inuu baaqaas yahay mid u gaar ah Odayaasha mid ka mid ah Beelaha degga Mandhera oo iyagu dhawaan dhigay Dibedbax ka dhan ah Taliyaha Boliska Gobalka Mandhera, Alex ole Nakoyo.

Dhinaca kale, Odayaasha ka soo horjerestay in xilka laga qaado Taliyahaasi ayaa ugu baaqay Dowladda Dhexe ee Kenya inaan xilka laga qaadin Taliyahasi, balse loo baahan yahay in ciiddamo dheeraad ah lagu soo kordhiyo Ciiddamadda ka hawlgala Mandhera, si loo adkeeyo Ammaanka.