Gudoomiyihii Degmada Kuntuwaareey oo ka mid noqday Dadki Shalay ku Geeriyooday Qaraxii (Sawiro)

Gudoomiyahii degmada Kuntuwaarey ee gobolka Shabeellaha hoose Cabdiraxmaan Sabdow Daahir ayaa la shaaciyey inuu ka mid ah dadkii shalay ku geeriyooday qaraxii ka dhacay wadad Maka-almukarama ee magaalada Muqdisho.

C/raxmaan ayaa ka mid ahaa guddoomiyeyaasha degmooyinka gobolka Shabeellaha hoose ee Dibad-joogga ku ahaa Magaalada Muqdisho, kuwaasoo aysan u suurta gelin inay tagaan Deegaanada xilalka ay ka hayaan.

Qarax gaari loo adeegsaday ayaa shalay ka dhacay maqaayada Itaaliyaan oo ku taala ka soo horjeedka Shaneema Soomaaliya ee wadada Maka-almukarama, kaasi oo ay ku dhinteen xubno uu ka mid ahaa gudoomiyihii Kuntuwaareey ee Sh/hooose, kaa soo maanta lagu aasay magaalada Muqdisho.