DEG DEG:-Banaanbax ka socda Degmada Balcad ee G/Shabeellaha Dhexe+Sawirro

Wararka aan ka heleyno degmada Balcad ee Gobolka Shabeellaha dhexe ayaa waxa ay sheegayan in uu halkaasi ka socdo banaanbax ay dhigayan qaar ka mid ah Muruq maalatada degmadaas.

Dadka Banaanbaxan dhigayay ayaa waxaa ay yihiin Dadka Shaqeeya Qodida kanaalada iyaga oo sheegaya in ay banaanbaxooda uga soo horjeedaan talaabo uu kula kacay Agaasimaha Waraabka Biyaha ee degmada Balcad Ibrahim Dalfo.

Qaar kamid ah Banaanbaxayaasha oo La Hadlay Idaacadda Radio Dalsan xarunta Gobolka Shabeellaha dhexe  ayaa waxaa ay sheegeen in ay Cabasho ka yihiin Agaasimaha Waraabka Biyaha Ee Degmada Balcad kuwaasoo ku Eedeeyay inuu Saakay kula Heshiiyay Mitirkiiba Lacag dhan 100 Kun oo Shillin Soomaali ah Balse waxaa ay Sheegeen inuu ka Laabtay Markii Dambe Go,aankaas Islamarkaana uu u Sheegay 1 kii Mitir 15 kun oo Shilin Soomaali ah.

Dhanka kale xiriir aan la sameynay Agaasimaha waraabka ayaanan noo suurtagelin si an wax uga weeydiino Eedeynta loo jeedinaayo.

Sawirro