Ciiddanka Ilaaladda Xeebaha Talyaaniga oo weli baadi-goobaya maydadka Tahriibayaal Somali ah oo Badda lagu tuuray.

7 ka mid ah Tahriibayaasha weli la la’ yahay ayaa la sheegay inay  Kooxha Mukhalasiinta ee dadka Tahriibiya ay maalintii Isniinta ee la soo dhaafay ka soo tureen dooni maraysay meel ka baxsan Xeebta magaalladda Pugliya Salento ee Koonfurta Talyaaniga.

Wargeyska Corriere ee ka soo baxa Talyaaniga ayaa sheegay inay Tahriibayaashaasi ka mid ahaayeen in ka badan 40 Tahriibayaal u dhalatay Somalia oo ay ku jireen wiil 10-jir ah iyo 21-haween ah, kuwaasi oo la socday dooni ka soo shiraacatay dalka Giriigga.

Dhinaca kale, Maydka Haweeney Soomaali oo ka mid ahayd Tahriibayaasha laga tuuray doonida ayeyIlaaladda Xeebaha Talyaaniga heleen meel ku dhow Dhagxaan ama Jamalo ku yaalla Xeebta Deegaanka Capo Di Leuja.

©Radio Dalsan