Akhriso:-Maamulka Jubbaland oo qaadacay ka qeybgalka shirka Arrimaha Dastuurka

13 Bishaan ayaa lagu wadaa in Magalada Muqdisho ee Caasimadda Soomaaliya lagu qabto Shirweynaha Arrimaha Dastuurka oo ay soo qaban qaabisay Wasaaradda Dastuurka Xukuumadda Soomaaliya.

Shirkaas ayaa waxaa haatan soo baxaya in Maamulka Jubbaland uu qaadacay ka qeybgalka shirkaas,in kastoo aysan cadeyn sababta ay ku diideen.

Wasiirka Wasaaradda Dastuurka, Cadaaladda iyo Arrimaha Diinta Jubbaland Dr.Aadan Ibraahim Aw Xirsi ayaa sheegay in gebi ahaanba asyan ka qeybgaleyn shirkaas todobaadka soo socda ka furmaya Magalada Muqdisho.

Wasiirku masheegin sababta ay shirkaasi u diideyn Maamulka Jubbaland marka laga reebo in ay qaadaceyn,weli warka kasoo baxay Jubbaland kama hadlin Wasaaradda Dastuurka Soomaaliya.

Shirweynaha Qaran ee Arrimaha Dastuurka oo lagu wado in u furmo 13-ka bishaan ayaa waxaa ka qeybgeli doona Wasaaradaha Dastuurka Dowlad Goboleedyada iyo Qubaro lagu casuumay.