Madaxweynaha Maamul Goboleedka Hirshabeelle Maxamed Cabdi Waare ayaa ka hadlay shirka lagu ballansan yahay in dhawaan uu ka furmo Mgalaada Dhuusamareeb ee xarunta Maamulka Galmudug.
Waxaa uu sheegay ware in dhammaan dhinacyada ka qayb galaya shirka ay u diyaar garowaan sidii ay uga qaby qaadan laahayeen shirka, waxaana madaxda maamul goboleedyada iyo Madaxda dowladda federaalka Soomaaliya uu ugu baaqay in shirka uusan baaqan.
waxaa uu ka digay in shirkaas uu qabsoomi waayo, haddii shirkaasi la baajiyo ayuu sheegay in ay noqon doonto Nasiib darro umadda Soomaaliyeed u soo hoyetay, waxaana ka dhalan doona ayuu yiri “in waddamo shisheeye ay ina soo faragaliyaan”.
Guddiga ku howlan qaban-qaabada shirka ayuu ku bogaadiyay shaqada ay hayaan, waxaana uu ka rajeeyay Waare shirka Dhuusameerb3 in uu sidii horay loogu heshiiyay uu u qabsoomi doono.
Wali waxaa taagan cabsida laga qabo in uu baaqdo shirka loogu ballansanaa in uu ka dhaco magaalad Dhuusamreeb ee xarunta Maamulka Galmudug, dhinacyo ay ka mid yihiin maamulada Puntland iyo Jubaland ayaa lagu la sheegay in aysan shirkaas ka qayb galayn, kuwaas oo sida la sheegay ka biya diidsan arrimo ay ka mid yihiin xil ka qaadistii Xasan Cali Kheyre.