Trump oo Wacad ku Maray inuu Nabad Ka Dhaliyo Bariga Dhexe

Madaxweynaha Mareykanka Donald Trump ayaa maanta wacad ku maray inuu sameyn doono wax kasta oo uu awoodo, si uu nabad uga dhaliyo Bariga Dhexe, isaga oo ku celinaya ballan-qaayadii ay horey u sameeyeen madaxweynayaashii ka horeeyey, oo haddana ku fashilmay inay hadafkaas gaaraan.

â€œWaxaan si dhab ah ugu rajo weynahay in Mareykanka uu Israel iyo Falastiin ka caawin doono inay nabad gaaraan oo ay rajo cusub u keenaan gobolka iyo dadkiisaâ€ ayuu yiri Trump kadib kulan saacad qaatay oo uu maanta magaalada Bethlehem kula yeeshay madaxweynaha mamaulka Falastiiniyiinta Mahmoud Abbas.

Trump ayaa intaas ku daray inuu rumeysan yahay â€œHaddii Israel iyo Falastiin ay nabad gaari karaan, waxay bilow u noqon doontaa hanaanka nabadda ee Bariga Dhexe oo idilâ€.

Isaga oo ka dhinac hadlayey Trump, ayaa Abbas waxa uu sheegay in dhibaatada ugu weyn ee haysata Falastiiniyiinta ay tahay qabsashada iyo deegaameynta Israel ay ka waddo dhulkooda, iyo in Israel ay ku guul darreysatay inay aqoonsato Falastiin.

â€œDhibaatadi maaha diinta Yahuudda, ee waa qabsashadaâ€ ayuu yiri Abbas.

Waxa uu ku celiyey inuu diyaar u yahay inuu aqbalo xal laba dal oo ku suleysan xuduudihii sanadii 1967-kii la calaameeyey.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.