Taliye Odawaa oo ka hadlay howlgal lagu dilay xubno ka tirsan Al-shabaab

Ciidanka Kumaandooska Soomaaliya ee DANAB gaar ahaan kuwa sida gaarka ah u tababaran ayaa Howlgal qorsheysan ka fuliyay degaanka Leego ee Gobolka Shabellada Hoose.

Taliyaha Ciidanka Xoogga Dalka Soomaaliya S/guuto Odowaa Yuusuf Raage oo la hadlay Idaacadda Ciidamada qalabka sida ayaa sheegay In Ciidamada DANAB ay xalay Saqdii dhaxe ay howlgal qorsheysan ka fuliyeen deegaanka Leego.

S/guuto Odowaa Yuusuf Raage waxa uu tilmaamay in howlgalka lagu dilay ku dhawaad 7 ka tirsan Al-shabaab ,kuwaasi oo dadka ku dhaqan leego ka qaadi jiray lacago, waa sida uu hadalka u dhigay.

Ciidanka Kumaandooska Soomaaliya ee DANAB ayaa dhowr jeer weeraro qorsheysan oo qaarkood lagu dilay xubno ka tirsan Al-shabaab ka fuliyay deegaano ka tirsan Gobolka Shabeellaha Hoose, halka Al-shabaab ay weeraro kala duwan iyaguna ka geysteen Gobolkaas.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media