Tahriibayaal kasoo kala jeeda dalal kala duwan oo ay ku jiraan Soomaali ayaa laga soo badbaadiyay Badda Madetereanina-ka ee u dhexeeysa Liibiya iyo Talyaaniga, kadib markii uu soo samata bixiyay Markab kuwa gurmadka ah.
Muhaajiriinta lasoo samata bixiyay ayaa tiradooda waxaa lagu sheegay in ay ka badan yihiin 184 Ruux, kuwaa oo isugu jira Rag iyo Dumar ayna kamid yihiih Caruur yar yar oo aan waalidkood la socon, waxaana la soo badbaadiyay iyagoo ku socdaalayay biyaha badda Madetereanina-ka.
Sidoo kale Maamulayaasha maraakiibta badbaadada ee Ocean Viking ayaa waxaa ay sheegeen in 72 saacadood gudahood badda ay kasoo badbaadiyeen dad tiradooda gaareysa ilaa iyo 407 Ruux.
Dhinaca kale dowladdaha Talyaaniga iyo Liibiya ayaa dalbaday in Tahriibayaasha laga soo badbaadiyay Badda Madetereanina-ka dib loogu soo celiyo Magaalada Tripoli, hayeeshee waxaa arrintaas diiday Ocean Viking oo ay maamusho hay’adda MSF.
Sababta ugu weyn ee Ocean Viking oo ay maamusho hay’adda MSF u diideen in tahriibayaasha dib loo celiyo ay tahay sababo la xiriira dad oo ah kuwo dhibaato horey ugala kulmay xabsiyada Lku yaalla dalka Liibiya.
