Yuusuf Wehliye oo 25 jir ah ayaa qirtay dacwad lagu soo oogay, kadib, markii uu shalay ka soo hor muuqday Maxkamad ku taalla magaalladda Fairfox ee Gobalka Virginia.
Eedeysanaha ayaa la sheegay inuu Ciiddan dhar cad oo ka tirsan Hay’adda FBI-da ku qabteen isagoo 4 qori nooca darandooriga u dhaca kala gudbinaya Maryland iyo Virginia.
Richard Gaylord oo ka tirsan FBI-da ayaa ku markhaati furay Eedeysanaha inuu sheegay inuu jecel yahay inuu ka qeyb galo Dagaalka Jihaadka.
Eedeysanaha ayaa la sheegay inuu hadalkaasi sheegay mar uu daawanayey Muuqaal Video oo ay Daacish surka ka goynayeen nin kale.
Gaylord waxa kale oo uu shalay Maxkamadda ka hor sheegay inuu Eedeysanaha u sheegay inuu doonayo inuu ku biiro Kooxda Daacish ama uu qarax ku weerari ka geysan doono Xarumaha lagu qoro Askarta cusub ee ku yaalla gudaha Maraykanka.
Eedeysane Yuusuf Wehliye ayaa la sheegay in Xukunkiisa lagu dhawaaqi doono bisha Feberaayo 3-da ee sannadka soo socda, waxaana la hadal-hayaa inuuuu muteysan karo Xabsi 10-sanno ah.
Dhinaca kale, Eedeysanaha iyo walaalkiisa ka weyn  ee Yaxye Wehliye waxaa 6 sanno ka hor lagu qabtay dalka Masar, xilli ay ku sii jeedeen dalka Yemen.
Labadan Walaalaha oo ku dhashay gudaha Maraykanka waxaa dib loogu soo celiyey Maraykanka, markii ay 2 bilood ku xayirnaayeen dalka Masar.
©Radio Dalsan
Â
