Sida galabta lagu soo daabacay Wargeyska The Monitor ee ka soo baxa magaalladda Kampala, waxaa maanta Maxkamadda Sare ee dalkaasi la soo taagay 8 dhallinyarro Soomaali ah oo lagu eedeynayo inay xiriir joogto ah la lahaayeen Taliye ka tirsan Xarakadda Alshabaab oo ku sugan gudaha Somalia, laguna magacaabo Aadan Mohamed.
Eedeysanayaasha oo ay Boliska Uganda bishii September ee sannadkii hore ka soo qabteen Deegaanka Kisenyi ee Kampala ayaa la soo bandhigay caddaymo muujinaya Codadka Telefoonadda ay kula hadli jireen Hoggaamiyaha ka tirsan Alshabaab oo la sheegay inuu u soo diray iyo labo suumanka loo adeegsado Is-qarxinta, waa sida lagu xusay Qoraal ay Baarayaasha Boliska u soo gudbiyeen Maxkamadda Sare ee Uganda.
Qoraalka waxaa kaloo lagu soo bandhigay Telefoonka Laynka iyo Laptop Toshiba ah oo ay Eedeysanayaashaasi kula hadli jireen Taliyaha ka tirsan Alshabaab iyo gaari nooca Toyota Noah oo la sheegay inay ku fulin lahaayeen fal is-qarxin ah, waa sida lagu xusay qoraalka loo gudbiyey Xeer-beegtidda Maxkamadda Sare ee Uganda.
8-da Eedeysane ee maanta la soo taagay Maxkamadda Sare ee Uganda waxa magacyadooda lagu kala sheegay :-
1. Mahamad Abdulkadir, 31,
2. Abdi Abdullahi, 26,
3. Hassan Abduwali, 25,
4. Mahamed Ahmed, 23 jir,
5. Yusuf Osman, 29 jir
6. , Abdi Mahamed, 29 jir
7. Abdul Kadir, 24 jir
8. Mohamad Yusuf jir
