Iyadoo ay xaalladda dalka Yemen aad u si ixumaanayso, ayey Hoggaamiyayaasha Bulshadda ku nool magaalladda Bosaaso ee Maamulka Puntland bilaabeen inay Adeegyo Asaasi ah u fuliyaan Soomaalida ka soo laabatay dalka Yemen, Barakacayaasha iyo Bulshadda dhibaataysan ee ku nool Bosaaso.
20-Hoggaamiye oo ay ku jiraan Odaayaasha Bulshadda, kuwa Tuullooyinka, Wakiiladda Golayaasha, Wasaaradda Arrimaha Gudaha Puntland ayaa ka wada hadlay sidii looga faa’ideysan lahaa Maalgelinta ay Sacuudiga ku samaynayaan Mashaariicda danta u ah dadkaasi.
Xarunta Boqor Salmaan ee Kaalmadda Aadminimo iyo Samafalka ayaa ku yaboohday lacag dhan 10 million oo Dollar, si loogu fuliyo Mashaariicdaasi oo aysan ka faa’ideysan doonin oo keliya dadka soo laabtay, balse ay ka faa’ideysan doonaan Barakacayaasha iyo Buslshadda dhibaataysan.
Madaxa Xafiiska Hay’adda Muhaajiriinta Caalamiga u jooga Somalia, Gerard Waite ayaa sheegay inay dhiiri-gelinayaan Bulshadda iyadoo aan wax faragelin lagu samayn doonin muhiimadooda.
Mashaariicdaasi ayaa qeyb ka ah 10 million oo Dollar oo Mashaariic ah, taasi oo lagu taageerayo dadka ka soo cararay Xiuisadaha ka taagan Yemen iyo Bulshadda dhibaatooyinka kala kulmay Barakaca.
In ka badan 32,000 oo qof oo ka soo cararay dagaalladda Yemen ayaa soo gaaray Somalia, iyadoo ku-dhawaad 20,000 oo qof heli doonaan Badbaadin iyo Taageero Degdeg ah oo loo soo marsiinayo Mashruucaasi.
©Radio Dalsan                                                         Â
Â
