Wararka Idaacada Dalsan ka heleyso Wadada Maka Al-Mukarama ee Magaalada Muqdisho ayaa waxa ay sheegayaan in rag hubeysan ay ka dhex dagaalamayaan Maqaayada Hilaac UK oo ah halka markii hore qaraxa koowaad uu ka dhacay.
Sidoo kale waxaa la sheegayaa in Ciidamo farabadan oo ka tirsan dowlada halkaasi ay ku sugan yihiin,isla markaana waxaa la maqlayaa rasaas xoogan oo goobta ka dhaceysa.
Weerar ku bilowday qaraxyo ayaa Caawa lagu qaaday Maqaayada Hilaac UK oo ku taalla Wadada aadka u Mashquulka badan ee Maka Al-mukarama,waxaana ka dhashay Khasaaro iugu jira dhimasho iyo dhaawac.
Weli si dhab ah Khasaaraha looma cadeyn karo maadaama goobta ay korontada ka maqan tahay,xili habeena tahay.
