Telefishinka Dowladda Iraq ayaa sheegay in Ra’isul-wasaaraha Turkiga, Binaali Yildirim uu booqasho labo maalmood ah ku yimid magaalladda Baqdaad, waana booqashadiisii ugu horreysay tan iyo markii uu Labada Dowladood soo kala dhex galay Khilaafka ku aadan Askarta Turkishka ee ku sugan Waqooyiga Iraq.
Waxaa Garoonka Diyaaradaha Baqdaad ku soo dhaweeyey Ra’isul-wasaaraha Iraq, Xaydar Al-cabaadi, waxayna yeesheen Kulan Hordhac ah oo aan faahfaahin laga bixinin.
Ra’isul-wasaaraha Iraq oo Kulankaasi kadib ka hadlay Telefishinka Dowladda ayaa sheegay in Heshiis laga gaaray Codsiga Iraq ee ahaa inay Ciiddanka Turkish-ka ka baxaan Saldhigga Bashiiqa ee u dhow magaalladda Mosu ee Waqooyiga Iraq.
Dhinaca kale, Danjiraha Turkiga u jooga Baqdaad, Faaruuq Kaymakji ayaa bartiisa Twitterka soo dhigay inay rajeynayaan inay Booqashadaasi baal cusub u furi doonto Xiriirka Iraq iyo Turkiga.
Joogitaanka Ku-dhawaad 500 Askari oo Turkish joogaan Saldhigga Bashiiqa ee W/bari ee magaalladda Mosul ayaa sababtay inuu xumaado xiriirka labadaasi Waddan dabayaaqadii sannadkii hore.
Dowladda Turkiga waxay Ciiddankaasi u arkeen kuwo xoog ku jooga dalkooda, balse Turkiga ayaa sheegtay inay Ciiddankooda casuumeen Ciiddanka Iraq ee hoos taga Maamulka Waqooyiga Iraq.
©Radio Dalsan
