Ra’iisul Wasaare Xamse oo Warbixin laga siiyey howlgalada ka socda Gobolka Hiiraan

Ra’iisul Wasaaraha Xukuumadda Federalka Hamza Abdi Barre ayaa ka qaybgalay munaasabad weyn oo lagu soo dhaweynayay isaga iyo wafdigiisa oo ka dhacday xarunta gobolka Hiiraan ee magaalada Beledweyne.

Wafdiga Ra’iisul Wasaaraha oo uu soo dhaweeyey Madaxweynaha maamul Gobolleedka Hirshabelle, Cali Cabdullaahi Guudlaawe iyo masuuliyiinta kale ee Gobolka, ayaa waxa ay qaybaha kala duwan ee shacabka ka dhageysteen warbixinno ku saabsan xaaladda arrimaha bulshada ee magaalada Beledweyne iyo saameynta abaarta.

Horey waxaa magaalada Beledweyne ugu sugnaa Wasiirka Gaashaandhigga, Taliyaha ciidanka xoogga dalka, Xildhibaanno iyo masuuliyiin kale oo warbixin ka siiyay Ra’iisul Wasaaraha xaaladda dagaalka ka dhanka ah ee Al-Shabaab.

Ra’iisul Wasaaraha oo la hadlay bulshada reer Beledweyne ayaa uga mahadceliyay soo dhaweynta diirran, isaga oo ammaanay hawlgallada ciidamadu kula dagaallamyeen Al-shabaab, kuwaaasi oo lagu xoreeyay deeganno badan oo ka tirsan gobolka.

Deegaano ka tirsan Gobolka Hiiraan ayaa waxaa ka socda howlgalo ka dhan ah Al-shabaab, waxaana howlgalka oo maalmihii lasoo dhaafay hoggaaminayey Wasiirka Gaashaandhigga Xukuumadda, Taliyaha Ciidanka Xoogga iyo Guddoomiyaha Gobolka Hiiraan.

About Webmaster

View all posts by Webmaster
%d bloggers like this: