Ra’iisul Wasaaraha Xukuumadda Federaalka Soomaaliya Xamse Cabdi Barre ayaa magacaabay guddi ka shaqeeya hawlaha gurmadka ee qaraxii shalay lagu weeraray Wasaaradda Waxbarashada Xukuumadda Federaalka Soomaaliya ee Muqdisho.
Guddiga uu magacaabay Ra’iisul Wasaaraha Xukuumadda ayaa ka kooban 10-xubnood, waxaana Guddoomiye looga dhigay Wasiirka Wasaaradda Caafimaadka Dr. Cali Xaaji Aadan, iyagoona ka shaqeyn doona howlaha gurmadka qaraxyadii ka dhacay Muqdisho.
Sidoo kale Ra’iisul Wasaare Xamse Cabdi Barre ayaa magacaabay Guddi kale oo ka shaqeeya Hubinta iyo la socodka qasaarihii ka dhashay qaraxyadii shalay ka dhacay Isgoyska Soobe gaar ahaan afaafka hore ee Wasaaradda Waxbarashada.
Hoos ka Akhriso magacyada Guddiga la magacaabay
1- Dr. Cali Xaaji Aadan             Wasiirka Caafimaadka                         Guddoomiye
2- Dr. Maxamed Axmed Sh Cali             Wasiirka Amniga Gudaha                     Xubin
3- Faarax Sheekh Cabdiqaadir Wasiirka Waxbarashada                      Xubin
4- Daa’uud Aweys Jaamac.              Wasiirka Warfaafinta                            Xubin
5- Khadiijo Maxamed Diiriye             Wasiirka Haweenka               Xubin
6- Abshir Maxamed Axmed Wasiiru dowlaha Madaxtooyada Xubin
7- Xirsi Jaamac Gaani Wasiiru dowlaha XRWÂ Â Â Â Â Â Â Â Â Â Â Â Â Â Â Â Â Â Â Â Â Â Â Â Â Â Â Â Xubin
8- Yuusuf Xuseen Jimcaale Guddoomiyaha Gobolka Banaadir  Xubin
9- Maxamuud Macallin Cabdulle Guddoomiyaha SODMAÂ Â Â Â Â Â Â Â Â Â Â Â Â Â Â Xubin
10- Cabdulqaadir Cabdullaahi Faarax Maareeyaha NEOC                            Xogheyn
Guddigan uu Ra’iisul Wasaaruhu magacaabay ayaa u xilsaaran waajibaadka soo socda:
1-Hubinta iyo la socodka qasaarihii ka dhashay qaraxii bahalnimada ahaa ee 29/10/2022.
2-Fidinta caawimaad deg deg ah dadkii wax yeeladu ka soo gaartay qaraxyada.
3-Diiwaan gelin iyo baadi goobka dadka la la’yahay.
4-Isku xirka iyo isku dubaridka howlaha Gurmadka
5-Xal u helidda iyo xoojinta adeeg-yada caafimaad ee Isbitaallada Dalka
