Rag hubeysan oo Maanta la wareegay Xarun ay leedahay Wasaaradda Caafimaadka Puntland

Wararka aan ka heleyno Gobolka Mudug ayaa sheegaya in Xarunta Wasaaradda Caafimaadka Maamulka Puntland ee ku taalla Gobolkaas ay la wareegeen rag hubeysan oo maleeshiyo beeleed, kuwaasi oo saaka qabsaday Xarunta Wasaaradda.

Ragga hubeysan ayaa albaabada isugu dhuftay Xarunta Wasaaradda Caafimaadka Puntland oo ku taalla magaalada Gaalkacyo, isla markaana joojiyay howlihii Caafimaadka ee socday, bannaankana u soo saaray shaqaalihii ku sugnaa Xarunta.

Lama oga ujeedada ka dambeysa, balse maalmihii ugu dambeeyay ayaa waxaa isa soo tarayay cabashooyin la sheegay inay soo gudbinayeen bulshada magaalada iyo eedeymo musuq maasuq ee loo jeedinayo xubnaha ugu sareeya Wasaaradda ee Gobolka Mudug.

Wasiirka Wasaaradda Caafimaadka ee Maamulka Puntland ayaan illaa iyo hadda wax war ah kasoo saarin tallaabada albaabada la isugu dhuftay Xaruntiisa Wasaaradda ku laheyd magaalada Gaalkacyo ee Xarunta gobolka Mudug ee dhanka Puntland.

About Webmaster

View all posts by Webmaster
%d bloggers like this: