Qarax lagu dilay Guddoomiyihii Marka oo ka dhacay Gobolka Shabeellaha Hoose

Warar kala duwan ayaa kasoo baxaya Qarax Khasaaro badan dhaliyay oo ka dhacay Magaalada Marka ee Xarunta Gobolka Shabeellaha hoose, waxaana la helayaa faah faahinno dheeraad ah oo ku aaddan qaraxasi.

Wararka aynu helnay ayaa sheegaya in Qaraxu uu ahaa Ismiidamin, waxaana lagu weeraray xarunta degmada looga arrimiyo, xili ay ku sugnaayeen Mas’uuliyiinta Magaalada.

Wararku waxaa ay intaa ku darayaan in Qaraxaasi uu ku dhintay Guddoomiyihii Degmada Marka Cabdulaahi Waafoow.

Sidoo kale waxaa qaraxaasi ku dhintay 11 qof oo kale, kuwaasi oo isugu jira Askar iyo dad shacab ah, waxaana jira dhaawacyo kale oo intaas ka badan.

Xaaladda Magaalada ayaa hadda ah mid aad u kacsan, waxaana billowday howgallo ay sameynayaan Ciidanka ammaanka.

Sidoo kale wararku waxaa ay intaa ku darayaan in khasaaruhu uu intaa ka badan yahay, maaddama qaraxu uu ahaa mid aad u xooggan.

About Webmaster

View all posts by Webmaster
%d bloggers like this: