Puntland oo howlgal qorsheysan ku qabatay hub sharci darro ah

Ciidamada Booliska ee Maamulka Puntland oo kaashanaya kuwa gaar ah ee PSF ayaa howlgal qorsheysan xalay ka sameeyay Magaalada Boosaaso ee Xarunta Gobolka Bari oo kamid ah magaalooyinka ay ka dhici doonto Doorashada Xildhibaanada BFS.

Howlgalka ayaa waxaa hoggaaminayay Taliyaha Qeybta Booliska Gobalka Bari G/Sare Xussen Cali Maxamuud, waxaana uu ujeedkiisu ahaa xaqiijinta amniga Boosaaso oo mararka qaarkood ayka dhacaan falal amni darro.

Inta uu socday howlgalka Ciidanka Booliska ee Puntland ayaa waxaa lagu soo qabtay hub si sharci darro ah loo sitay gudaha Magaalada, kuwaasi oo la geeyay mid kamid ah Saldhigyada Ciidanka amniga.

Ciidanka amniga ayaa sidoo kale baaritaano kala duwan xalay ku sameeynayay gaadiidka noocyadiisa kala duwan ee isticmaalayay waddooyinka, iyagoona gaadiidka ay ku xiran yihiin miraayaha madow ka fiiqayay.

Taliyaha Qeybta Booliska Gobalka Bari G/Sare Xussen Cali Maxamuud oo warbaahinta la hadlay ayaa waxaa uu shacabka ku dhaqan Magaalada Boosaaso ka dalbaday inay la shaqeeyaan laamaha amniga, si looga hortego wax kasta oo amni darro keeni kara.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media