Madaxweynaha Jamhuuriyadda Federaalka Soomaaliya Dr. Xasan Sheekh Maxamuud oo casho sharaf ku maamuusay Xildhibaanada labada Aqal ee Baarlamaanka dalka ayaa ku bogaadiyay doorkooda taariikhiga ah ee ay ka qaateen ilaalinta midnimada iyo madax-bannaanida qaranimada dalka soomaaliyeed.
Madaxweynaha ayaa xildhibaanada warbixin ka siiyay xaaladda guud ee dalka, dagaalka ka dhanka ah dagaalamayaasha Alshabaab iyo qorshaha dowladda ee ka hortagga xad-gudubka dowladda Itoobiya ee madax-bannaanida dalka iyo difaaca dhulka Soomaaliyeed.
Khudbadda uu Madaxweyne Xasan sheekh Xalay jeediyay ayaa ahayd mid dhinacyo badan taabanaysay, waxaana wadadamada Caalamka ee daneeya Siyasaada Gobalka uu ugu baaqay inay doorkooda qaataan, si looga baaqsado dagaal ka dhex qarxa labada dhinac.
Waxaa uu Madaxweynahu uu mar kale sheegay in Itoobiya ay si cad ugu soo xad gudubtay Madaxbanaanida iyo Qaranimada Soomaaliya, kadib heshiis ku sheegii ay kala saxiixdeen RW Abiy Aed iyo Madaxweynaha Mamaulka Somaliland Muuse Biixi Cabdi.
