Ciidanka Booliska magaalada Mankato ee dalka Mareykanka ayaa sheegay in ay gacanta ku dhigeen oo ay xireen Muwaadin Soomaali ah oo lagu magacaabo Maxamed Bashiir oo loo raadinayey dembi la xiriira toogasho ka dhacday magaalada Mankato ee Gobolka Minnesota.
Bashiir Maxamed, oo 30 jir ah, ayaa la xiray, waxaana lagu xiray xabsiga degmadda Blue Earth.
Weli wax faah faahin oo dheeraad ah maamulka Booliska magaalada Mankato ee Gobolka Minnesota ee dalka Mareykanka  kama ayna soo saarin xariga Bashiir, meesha laga qabtay iyo sida loo qabtay.
Maxamed Bashiir ayaa lagu eedaynayaa in uu toogtay nin ay is yaqaanaan oo ay guri wada joogeen.
Dembiga toogashadda ee loo xiray Maxamed Bashiir ayaa dhacay maalintii Jimcaha 9-ka subaxnimo ka hor. Ninka uu toogtay Maxamed ayaa Isbitaalka loola cararay, isaga oo ay boolisku sheegeen in uu yahay dhaawac halis ah.
