Eedeysane Jamaal Maxamed waxa uu shalay ka soo hor muuqday Maxkamadda Makadara ee magaalladda Nairobi, isagoo ku eedeysnaa Isku-day uu ku dili lahaa Siyaasi Somali-Kenyan bishii September 11-di iee sannadkii hore.
Eedeysanaha waxa uu Maxkamadda ka hor sheegay inuusan haatan diyaar u ahayn inuu Maxkamadda soo hor dhigo caddaymaha ku aadan inuusan gelin Dembiga lagu soo oogay, wuxuuna ku baaqay in la hakiyo Dacwadiisa.
Dhegeysigii ugu dambeeyey Maxkamadda  waxa uu Eedeysanaha sheegay inuu u yeeri doono 5 Markhaari si ay uga markhaati-kacaan inuusan isagu gelin dembiga loo haysto.
Waxa uu Codsiga joojinta dhegeysiga Dacwadiisa sheegay, ka hor inta aysan Garsoore Eunice Kimaiyo ku dhawaaqin inaysan Markhaatiyayaashiisa ku sugnayn gudaha Maxkamadda.
Dacwad-oogayaasha waxay ka hor yimaadeen Codsiga Eedeysanaha, iyagoo sheegay inuu qorsheynayo in Kiiskiisa dib loo dhigo.
Garsoore Eunice Kimaiyo waxay kaloo sheegtay in ay oggolaanayso Codsiga Eedeysanaha, maadaama ay tahay Dhegeysigii 1-aad ee Dacwadiisa.
Eedeysanah waxaa loo haystaa Isku-day la sheegay inuu ku dili lahaa Siyaasi lagu magacaabo Xuseen Maxamed, kaasi oo dhaawacyo culus soo gaareen.
